تعارف: جامعہ قادریہ رضویہ (ٹرسٹ)

قیاَم :      جامعہ قادریہ رضویہ لائل پور کا قیام ۹ربیع الا ٓخر 1383ھ مطابق 30 اگست 1963ءکو عمل میں آیا تھا۔ اس جامعہ کے اجراءکی کیا وجوہات تھیں انکی تفصیل میں جانے کی یہاں ضرورت نہیں صرف اتنا عرض کردینا کافی ہے ۔ کہ جب بعض ناسازگار حالات کی بنا پر حضرت شہید اہلسنت نائب محدثِ اعظم پاکستان مولانا علامہ ابوالشاہ محمد عبدالقادر صاحب علیہ الرحمۃ اور رفیق شہید اہلسنت حضرت مولانا ابوالعالی محمد معین الدین صاحب دامت برکاتہم نے لائلپور چھوڑنے کا ارادہ کرلیا اور حضرت شہید اہلسنت علیہ الرحمۃ سیلون اور رفیق شہید اہلسنت مدظلہ نے کراچی جانے کےلئے رختِ سفر باندھا ۔ تو احباب اہلسنت وجماعت کو سخت پریشانی ہوئی ۔ انہوں نے سوچا کہ اگر محدث اعظم پاکستان قدس سرہٰ العزیز کے یہ دونوں چہیتے شاگرد بھی لائلپور سے چلے گئے ۔ تو لائلپور میں مسلک اہلسنت کا خدا ہی حافظ ہے ۔ چنانچہ حضرت محدث اعظم پاکستان کے مخلص اور سچے محبوں ،عقیدتمندوں اور مریدوں نے طے کر لیا ۔ کہ وہ ان دونوں بزرگوں کو کسی صورت بھی لائل پور سے نہیں جانے دیں گے ۔

اگلہ صفحہ