ولا د تِ با سعادت :         حضرت شہید اہلسنت نائب محدثِ اعظم پاکستان مولانا علامہ الحاج محمد عبدالقادر صاحب علیہ الرحمۃ ۲۷ مارچ ۱۹۲۲ءکو احمد آباد شریف میں پیداہوئے احمد آباد شریف میں چونکہ بے شمار اولیاءاکرام اور بزرگان دین کے مزارات وقبور ہیں اس لئے اس شہر مبارک کو "مدینۃ الاولیاء"بھی کہا جاتا ہے یہ اسی مبارک شہر کی برکت ہے ۔ کہ حضرت مولانا عبدالقادر صاحب علیہ الرحمۃکو دنیائے علم وفضیلت میں وہ درجہ وکما ل صاصل ہوا۔ جو اس زمانے میں بہت کم افراد کو ملا ہے ۔

عالم ابن عالم ابن عالم :            حضرت مولانا عبدالقادر صاحب علیہ الرحمۃصحیح معنوں میں عالم ابن عالم ہیں ۔ آپ کے والد محترم حضرت مولانا علامہ حکیم غلام محی الدین صاحب قدس سرہٰ العزیز جید عالم دین اور مشہور ومعروف حکیم تھے ۔ آپ کے دادا جان حضرت مولانا مفتی عبدالرحیم صاحب قدس سرہٰ العزیز کا شمار اجلہ علماءاکرام میں ہوتا ہے ۔ آپ اعلیٰ حضرت عظیم البرکت مجدّد ِ دین وملت مولانا علامہ الشاہ احمد رضا خان صاحب بریلوی رضی اللہ عنہ کے ارشد خلفاء میں سے تھے ۔ اور علاقہ گجرات کا ٹھیاوار کے مفتی اعظم تھے اعلیٰ حضرت رضی اللہ عنہ کو آپ سے خاصی محبت تھی ۔ آپ جب کبھی احمد آباد تشریف لاتے تو انہی کے ہاں قیام فرماتے ۔ ان کا ایک بہت بڑا کتب خانہ تھا ۔ جس میں اکثر نایاب کتب موجود تھیں ۔